返工返左6日
第二日已經開始悶...
其實我係接受唔到d無止境地reloop又reloop既工...

好喇...
即管睇下自己可以撐幾耐既...本來...

點知第三日...
要去東涌派機... 烈日當空... 萬里無雲...
咁大個仔都不試過d汗係鼻尖/下巴  好似落雨咁滴落黎
超辛苦...

但係當我將d機送去俾有需要既人果陣...
當我將部電腦由門口搬入屋果陣...
d小朋友果種期待同開心雀躍既表情
真係令我覺得再辛苦都係值得...
我總算係呢份工搵到開心同埋有意義既地方...

d人屋企家徒四壁...
部電視機仲細過我拎去果個monitor...
心諗: 點睇啊.. 睇到眼都花喇..
但佢地仲可以係果一刻係雪櫃入面拎出coke請我飲...
仲遞上一包紙巾俾我.. 果一刻我都幾感動..
諗返起自己買件衫分分鐘夠人地成家用一個月..
都有d慚愧...

雖然分工有好辛苦既時候...
但我諗我需要學識堅持
因為我幾喜歡呢份工
希望畢業前都可以繼續係度返工
將祝福送俾有需要既人

感謝主

搵份工真係難...

當有人話睇我個款都似怕辛苦唔捱得 玩玩下就算
果一刻都真係好嬲定好笑
其實我大概都清楚自己係個點既人
人會長大架嘛
一個人學唔識堅持 學唔識忍耐
咁佢就永遠都唔會長大
佢連野都冇同我講過 見又冇見過我
做乜可以憑幾年前既印象黎judge我

講真... 唔係真係需要份工...
俾著係以前既我
轉頭打電話返去鬧佢都似
唯有忍...

-----------------------------

話說買左件靚衫
唔小心整污糟左
於是就奉獻左人生既第一次自己去洗衫
點知拆漏左個detail位
成件衫就染左其他色...
咁就報銷..
我件vsvm shirt啊...

想不到在這個時間會有閒情逸致寫日記

的確
偶爾外出走走
遠離繁囂
讓心境平靜下來
是一件很幸福的事

考試啊考試
沒有盡力
有一科"衰到貼地"
已經作好心理準備重讀
就當買一個教訓好了

遇見神
很好
釋放過後
那痛苦讓我能確切的緊記我當天跟天父許下的承諾
經歷過後才有信心說服自己真心信靠
我會努力
thankyou

開始
意識到跟父親不和的原因
他對我一點兒也不了解
也罷
我來了解他好了

-----------------------------------------

今日斷斷續續的在下雨
討厭
完全沒有尋幽探秘的意慾

我想
找一份暑期工
讓暑假在忙碌中度過
努力求職

你地班人
又話冇gathering
好喇 有人搞喇
又諸多意見 五時花六時變
都冇緊要
之後 集體放飛機
好喇 就你地 改日子喇
又話: "睇下有邊個去先喇" & "你而家先黎講?!"

therefore
冇gathering係好合理既事!!!

過左幾日..
哽唔落依然哽唔落..
卡住左係度唔上唔落
祈禱都祈唔走

爭櫈仔事件完滿解決
照返原本個plan

anders依然答佢唔到

今日講左個大話...
都係貪玩累事...
唔可以有下次

夜晚同grandma出街食飯
wow... 我好乖 照顧周到
不過今次有人陪佢走 唔洗我送
原來grandma都鍾意搞爛gag